प्रतिनिधी नरेंद्र कांबळे बल्लारपूर
ग्रामपंचायतीच्या कराचा १४ कोटी ८८ लाख रुपयांचा भरणा न केल्याने राजुरा पंचायती समितीने वेकोलि बल्लारपूर अंतर्गत येत असलेल्या पोवनी खाण क्रमांक २ आणि ३ ला मंगळवारी सील ठोकले. वेकोलि बल्लारपूर अंतर्गत पोवनी खदान २ आणि ३ यांनी २०१६ पासून साखरी ग्रामपंचायतीचा १४ कोटी ८८ लाख रुपये कर थकीत ठेवला आहे. कराचा भरणा करावा, यासाठी पंचायत समिती राजुराचे संवर्ग विकास अधिकारी हेमंत भिंगारदिवे यांनी वेकोलिला नोटीस बजावली.
