जिल्हा प्रतिनिधी:मोहम्मद नासीर चंद्रपूर
बल्लारपूर : बल्लारपूर स्पोर्ट्स बहुउद्देशीय संस्था बल्लारपूरतर्फे महात्मा ज्योतिबा फुले महाविद्यालयात २ ते १९ मे दरम्यान खेळ शिबिराचे आयोजन करण्यात आले आहे. या शिबिरात व्हॉलीबॉल, फुटबॉल, डिस्कस थ्रो, योगा, झुंबा डान्स, कबड्डी, धावणे, बॅडमिंटन, खो-खो व इतर खेळांची प्राथमिक माहिती अनुभवी प्रशिक्षकांकडून मोफत दिली जाणार आहे. शिबिराची वेळ सकाळी ६ ते ८ आणि संध्याकाळी ६ ते ८ अशी असेल. शिबिरात सहभागी होण्यासाठी १० वर्ष वयाची असणे बंधनकारक आहे. या शिबिरातून मागच्या वर्षी ३ खेळाडू नैतिक कुकुडकर, श्लोक तिवारी व आरूष चव्हाण राज्यस्तरावर खेळले आहेत.या मोफत उन्हाळी शिबिरात खेळाडूंनी मोठ्या संख्येने सहभागी होण्याचे आवाहन प्रमुख कोच प्रमोद आवते, काशीनाथ सिंह, प्रा. डॉ. बालमुकुंद कायरकर, प्रज्वल यांनी केले आहे.
