अजय दोनोडे तालुका प्रतिनिधी आमगाव (गोदिया)
स्थानिक एस. चंद्रा महिला महाविद्यालय आमगाव येथे दिनांक १ सप्टेंबर ते ७ सप्टेंबर २०२३ दरम्यान राष्ट्रीय पोषण सप्ताह महाविद्यालयाच्या गृहअर्थशास्त्र विभाग, आहारशास्त्र विभाग व राष्ट्रीय सेवा योजना यांच्या संयुक्त विद्यमाने साजरा करण्यात आला. या सप्ताह अंतर्गत महाविद्यालयातील विद्यार्थिनीसाठी कडधान्यांची रांगोळी, सलाद डेकोरेशन, रेसिपी डेकोरेशन, रानभाज्या महोत्सव अशा विविध स्पर्धाचे आयोजन करण्यात आले होते. या कार्यक्रमाला अध्यक्ष म्हणून महाविद्यालयाचे प्राचार्य डॉ. अविनाश तितिरमारे तर प्रमुख मार्गदर्शक म्हणून भवभूती महाविद्यालय आमगाव येथील गृहअर्थशास्त्र विभाग प्रमुख प्रा. धनश्री राणे तर प्रमुख अतिथी म्हणून महाविद्यालयाच्या गृहअर्थशास्त्र विभाग प्रमुख प्रा. दीक्षा बडोले, आय. क्यू. ए. सी. विभागप्रमुख प्रा. स्वप्नील भगत, राज्यशास्त्र विभाग प्रमुख डॉ. प्रमोद सरदार उपस्थित होते. या प्रसंगी महाविद्यालयाचे प्राचार्य डॉ. अविनाश तितिरमारे यांनी विद्यार्थिनींना निरोगी आयुष हि आजच्या काळातील सगळ्यात महत्वाची बाब असल्यामुळे त्याकळे गांभीर्याने लक्ष देणे गरजेचे आहे तसेच पोषण आहाराबद्दल व संतुलन आहाराबद्दल सविस्तर माहिती दिली. कार्यक्रमाच्या प्रमुख मार्गदर्शक भवभूती महाविद्यालय आमगाव येथील गृहअर्थशास्त्र विभाग प्रमुख प्रा. धनश्री राणे यांनी आपल्या मार्गदर्शनात विद्यार्थिनी ना सुदृढ आरोग्य प्राप्ती साठी आपल्या आहारावर भर देणे किती गरजेचे आहे हे सांगत विविध धान्य, भाज्या मधून आपल्याला कोणते जीवनसत्व प्राप्त होते तसेच ते कोणत्या वेळी घेतल्यास त्याचा लाभ मानवीशरीराला मिळेल या विषयी विस्तृत मार्गदर्शन केले. तर कार्यक्रमाचे आयोजक महाविद्यालयाच्या गृहअर्थशास्त्र विभाग प्रमुख प्रा. दीक्षा बडोले यांनी आपल्या मार्गदर्शनात राष्ट्रीय पोषण सप्ताह आयोजनामागील उद्देश विद्यार्थिनींना समजून सांगत आहाराविषयी जागरूकता निर्माण करणे असे सांगितले. कार्यक्रमाचे संचालन कु. निकिता खळसिंगे तर आभार प्रदर्शन कु. पायल पुंडे यांनी केले. देवानंद खोब्रागडे, डॉ. ललितकुमार ठाकूर, डॉ. अजय मून, डॉ.चंदा गावंडे, प्रा.दीक्षा बडोले, प्रा. कमलेश पाटील, डॉ. आशिष थूल, प्रा.सौरभ बागडे, प्रा. उत्तरा तागडे तसेच शिक्षकेत्तर कर्मचारी जयेश सहारे,राजेश हातझाडे, थानसीग ठाकूर, हेमकृष्ण काठाने, मंगल गोंडाणे, अमर गोडसे, वर्षा वांडरे,निर्दोष सहारे, विनोद डोंगरवार व विद्यार्थीनी मोठ्या संखेत उपस्थित होत्या
