भरधाव ट्रक ने माय लेकी ला चिरडले
शहर प्रतिनिधी नरेंद्र कांबळे बल्लारपूर
बल्लारपूर : राजुरा येथील महिला व मुलगी आपल्या आईला भेटायला चंद्रपूर ला जात असताना वर्धा नदी जवळ ट्रक ने स्कुटी ला धडक दिल्याने दोघ्याही माय लेकीचा घटनास्थळी मृत्यू झाला. ज्योती बंडू रागीट (३८), सेजल बंडू रागीट (८) रा. पेट वॉर्ड राजुरा असे मृतक माय लेकीचे नाव आहे. सदर घटना दुपारी १ वाजताच्या सुमारास घडली.राजुरा येथील पेट वॉर्ड निवासी बंडू रागीट यांची पत्नी ज्योती बंडू रागीट व लहान मुलगी सेजल बंडू रागीट हे दोघे माय लेकी स्कुटी क्रं. एमएच ३४ बीएन ५५३८ ने चंद्रपूर ला आपल्या आई कडे जात होती. दरम्यान वर्धा नदी जवळील मंदिर जवळ ट्रक क्रं.एमएच ३४ बीझेड ७६९९ ने स्कुटी ला धडक दिली. त्यात ज्योती व सेजल खाली पडून ट्रक चा चाकाखाली आले. त्यात ज्योतीचा डोक्यावरून तर सेजल चा पोटावरून ट्रक गेला. त्यात दोघांचा जागीच करुण अंत झाला. घटनेची माहिती बल्लारपूर पोलीसांना मिळताच घटनास्थळी पोहोचले. पंचनामा करून प्रेत शवविच्छेदन करीता ग्रामीण रुग्णालय बल्लारपूर येथे पाठविण्यात आले.पुढील तपास पोलीस निरीक्षक श्याम गव्हाणे यांच्या मार्गदर्शनाखाली पोलीस उपनिरीक्षक विक्की लोखंडे, पोअं. नरेंद्र वाकडे करीत आहे. सेजल रागीट ही इन्फंट जेसस इंग्लिश स्कूल राजुरा येथे ६ वी मध्ये शिकत होती.
