विदर्भ कनिष्ठ महाविद्यालयीन अर्थ व वाणिज्य शिक्षक मंडळ, नागपूर अंतर्गत वर्धा व नागपूर ग्रामीण जिल्हा कार्यकारिणी गठितीसाठी संयुक्त ऑनलाईन बैठक संपन्न
नावेद पठाण मुख्य संपादक
वर्धा:वर्धा विदर्भ कनिष्ठ महाविद्यालयीन अर्थ व वाणिज्य शिक्षक मंडळ, नागपूर यांच्या वतीने वर्धा व नागपूर ग्रामीण जिल्हा कार्यकारिणी गठित करण्यासाठी संयुक्त ऑनलाईन बैठक नुकतीच पार पडली. या बैठकीत शिक्षक संघटनेची बळकटी, येणाऱ्या रौप्यमहोत्सवी द्वैवार्षिक अधिवेशनाची तयारी, तसेच विद्यार्थ्यांपर्यंत गुणवत्तापूर्ण ज्ञान पोहोचविण्याच्या नियोजनावर सखोल चर्चा झाली.
मंडळ मागील २५ वर्षांपासून शिक्षक व विद्यार्थीहितासाठी सातत्याने कार्यरत आहे. विविध चर्चासत्रे, प्रशिक्षण वर्ग आणि शैक्षणिक कार्यक्रमांच्या माध्यमातून मंडळाने शिक्षक व विद्यार्थ्यांमध्ये शैक्षणिक जागरूकता निर्माण केली आहे. यावर्षी मंडळाचे रौप्यमहोत्सवी वर्ष असून, १९ व २० डिसेंबर २०२५ रोजी नागपूर येथे भव्य अधिवेशनाचे आयोजन करण्यात येणार आहे.
बैठकीचे अध्यक्षस्थान डॉ. अशोक गव्हाणकर यांनी भूषविले, तर सचिव डॉ. चेतन हिंगणेकर यांनी अधिवेशनाच्या तयारीबाबत मार्गदर्शन केले. ऑनलाईन बैठक यशस्वीपणे पार पाडण्याची जबाबदारी डॉ. अभिजीत देशमुख यांनी निभावली.
या बैठकीस वर्धा आणि नागपूर ग्रामीण येथील अनेक शिक्षक उपस्थित होते. त्यामध्ये प्रा. डॉ. अनिस बेग, प्रा. अभिजीत डाखोरे, प्रा. अनंता बुर्हाण, प्रा. सतीश गजबांधे, प्रा. दीपक डांभळे, प्रा. खुशबू कटुलवार, प्रा. मयूर गांधी, प्रा. नीलम बर्मसे, प्रा. नितीन कोल्हारकर, प्रा. शीतल देशमुख, प्रा. श्रद्धा चांदक, प्रा. स्नेहा गेडाम, प्रा. सुनिल अल्लेवार, प्रा. विष्णू फुळे, प्रा. यशश्री जाधव, आणि प्रा. आशा मॅडम यांचा विशेष सहभाग होता.
बैठकीच्या शेवटी सर्व शिक्षकांनी एकमुखाने ठरविले की, रौप्यमहोत्सवी अधिवेशन अधिक प्रभावी, उपयुक्त आणि विद्यार्थीहितदायी करण्यासाठी मंडळाचे प्रयत्न अधिक जोमाने सुरू राहतील.
