रेल्वे चौकातील नाष्टाच्या दुकाना समोरुन दुचाकी वाहन चोरी
शहर प्रतिनिधी नरेंद्र कांबळे बल्लारपूर
बल्लारपूर : एका दुचाकी मालकाला आपली दुचाकी हॉटेल समोर ठेवून नाष्टा करायला जाणे महागात पडले. जेव्हा त्यांनी हॉटेल समोर ठेवलेली दुचाकी अज्ञात चोराने लंपास केले.शहरातील रेल्वे चौक येथे रेल्वे मध्ये कार्यरत कनिष्ठ अभियंता शेख जमीर शेख इब्राहिम रेल्वे वॉर्ड हे नाष्टा करायला २५ जानेवारी ला सकाळी ८.५० वाजता आले. त्यांनी हॉटेल समोर दुचाकी क्रं एमएच ३४ एएल ६५३९ ठेवून नाष्टा करून ९.२० वाजता आले असता त्यांना त्यांची दुचाकी आढळून आली नाही. त्यांनी सर्वत्र शोध घेतले पण त्यांची दुचाकी मिळून आली नाही.शेख जमीर यांनी २८ जानेवारी ला बल्लारपूर पोलीस स्टेशन येथे तक्रार दिली असून पोलीसांनी अज्ञात चोरा विरुध्द कलम ३०३(२) बीएनएस अंतर्गत गुन्हा नोंदविला आहे.
