वर्धा जिल्हा रुग्णालयात रुग्णांना शिवीगाळ व अपमान – अपघातग्रस्त तरुणास मदतीऐवजी दुर्व्यवहार

अरबाज पठाण ( वर्धा )

सरकारी रुग्णालय म्हणजे जनतेसाठी शेवटची आशा असते. पण वर्धा जिल्हा रुग्णालयात ही आशा आता धुळीस जाताना दिसतेय. नुकत्याच घडलेल्या प्रकारात, अपघातग्रस्त एक तरुण जेव्हा रुग्णालयात उपचारासाठी पोहोचला, तेव्हा त्याला उपचाराऐवजी कर्मचाऱ्याच्या शिव्या, अपमान आणि असंवेदनशील वागणूक मिळाली.

घटनेचा तपशील:

अपघातात जखमी झालेल्या तरुणाच्या कोपऱ्याला गंभीर जखम झाली होती (याचे छायाचित्र उपलब्ध आहे). तो वेदनेने विव्हळत असताना, ड्युटीवर असलेल्या कर्मचाऱ्याने त्याच्याशी अत्यंत उद्धट, अश्लील भाषेत बोलत त्याचा अपमान केला. जेव्हा पीडिताने याविरोधात आवाज उठवला, तेव्हा संबंधित कर्मचारी अधिकच आक्रमक झाला.

नेहमीचाच प्रकार असल्याचे सूत्रांचे म्हणणे:

अस्पतालातील काही कर्मचारी सांगतात की हा कर्मचारी रुग्णांशी कायमच अशा उद्धटपणे वागतो. अनेक वेळा नागरिकांना मदतीऐवजी अपमान सहन करावा लागतो. "हा व्यक्ती कुणालाही जुमानत नाही, आणि प्रशासन त्याच्यावर कारवाई करत नाही," असे एक कर्मचारी म्हणाले.

प्रशासन झोपेत का आहे?

जर सरकारी रुग्णालयात असे कर्मचाऱ्यांचे वर्तन असेल, तर सर्वसामान्य जनतेने जावे कुठे? हा प्रकार केवळ एका रुग्णाचा नाही, तर संपूर्ण आरोग्य व्यवस्थेवरचा मोठा प्रश्न आहे. अशा कर्मचाऱ्यांना त्वरित निलंबित करून, चौकशी करून कठोर शिक्षा दिली पाहिजे"

रुग्णालयात मदत मिळणार की अपमान?  – असा प्रश्न आता वर्ध्याच्या जनतेसमोर उभा ठाकला आहे. प्रशासनाने या गंभीर प्रकाराची दखल घेऊन त्वरित उपाययोजना केली नाही, तर लोकांचा सरकारी आरोग्य व्यवस्थेवरचा विश्वास उडेल, यात शंका नाही