हिंदी विश्वविद्यालयाच्या आठ विद्यार्थ्यांची बिहार राज्य विश्वविद्यालय सेवा आयोगातर्फे निवड
हिंदी विश्वविद्यालयाच्या आठ विद्यार्थ्यांची बिहार राज्य विश्वविद्यालय सेवा आयोगातर्फे निवड*
हिंदी साहित्य विभागातील सात आणि राज्यशास्त्र विभागातील एका विद्यार्थ्याची सहायक प्राध्यापकपदी निवड
वर्धा, प्रतिनिधि,युसूफ पठाण
वर्धा महात्मा गांधी आंतरराष्ट्रीय हिंदी विश्वविद्यालयातील विद्यार्थ्यांची बिहार राज्य विश्वविद्यालय सेवा आयोग, पटणा
यांच्यामार्फत घेण्यात आलेल्या परीक्षेत कंत्राटी तत्त्वावर हिंदी विषयाच्या सहायक प्राध्यापकपदासाठी निवड झाली आहे.
निवड झालेल्या आठ विद्यार्थ्यांपैकी सात विद्यार्थी साहित्य विद्यापीठातील हिंदी साहित्य विभागाचे असून, एक विद्यार्थी राज्यशास्त्र विभागातील आहे. यामध्ये रवींद्र कुमार रवि यांची जयप्रकाश नारायण विश्वविद्यालय, सारण अंतर्गत राजकीय डिग्री महाविद्यालय, दरियापूर येथे निवड झाली. डॉ. गुँजा आनंद यांची पाटलीपुत्र विश्वविद्यालयाच्या राजकीय डिग्री महाविद्यालय, मखदुमपूर, कराय परसुराय, नालंदा येथे निवड झाली. डॉ. पंचदेव प्रसाद यांची ललित नारायण मिथिला विश्वविद्यालय, दरभंगा, बिहार अंतर्गत राजकीय डिग्री महाविद्यालय, कुशेश्वर येथे निवड झाली. डॉ. नवनीत कुमार यांची मुंगेर विश्वविद्यालय, मुंगेर अंतर्गत राजकीय डिग्री महाविद्यालय, खैरा येथे निवड झाली. डॉ. अविनाश भारती यांची जयप्रकाश नारायण विश्वविद्यालय, सारण, बिहार अंतर्गत राजकीय डिग्री महाविद्यालय, मशरख, छपरा येथे निवड झाली. डॉ. अमित कुमार यांची बाबा साहेब भीमराव आंबेडकर बिहार विश्वविद्यालय, मुजफ्फरपूर, बिहार अंतर्गत राजकीय डिग्री महाविद्यालय, मेजरगंज, सीतामढी येथे निवड झाली. डॉ. प्रज्ञा शाकल्य यांची पाटलीपुत्र विश्वविद्यालयाच्या शासकीय डिग्री महाविद्यालय, अथमलगोला येथे निवड झाली तर राज्यशास्त्र विभागातील विद्यार्थी डॉ. दत्तात्रय निवृत्ती रावण यांची बी. आर. आंबेडकर बिहार विश्वविद्यालय, मुजफ्फरपूर, बिहार अंतर्गत राजकीय डिग्री महाविद्यालय, गायघाट येथे निवड झाली आहे.
एकाच वेळी आठ विद्यार्थ्यांची निवड होणे ही विश्वविद्यालयासाठी अभिमानाची बाब आहे.
विश्वविद्यालयाच्या कुलगुरू प्रो. कुमुद शर्मा यांनी सर्व निवड झालेल्या विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा दिल्या. निवड झालेल्या विद्यार्थ्यांनी सांगितले की, विश्वविद्यालयातील शैक्षणिक वातावरण, शिक्षकांचे मार्गदर्शन तसेच अभ्यासक्रमांव्यतिरिक्त स्पर्धा परीक्षांच्या तयारीसाठी ग्रंथालयात उपलब्ध असलेली पुस्तके आदी सुविधांमुळे बिहार राज्य विश्वविद्यालय सेवा आयोगाच्या परीक्षेत त्यांची निवड होऊ शकली. विद्यार्थ्यांची मेहनत, अभ्यासासाठी
विश्वविद्यालयाकडून उपलब्ध करून देण्यात येणाऱ्या सुविधा तसेच विद्यार्थ्यांच्या सर्वांगीण व्यक्तिमत्त्व आणि सामाजिक विकासासाठी विश्वविद्यालयाकडून केले जाणारे प्रयत्न हे या यशामागील महत्त्वाचे घटक आहेत.
या विद्यार्थ्यांची निवड इतर विद्यार्थ्यांसाठी प्रेरणादायी ठरली आहे. विभागातील शिक्षकांनीही निवड झालेल्या विद्यार्थ्यांचे अभिनंदन करून त्यांना शुभेच्छा दिल्या आहेत.
