काल मातेच्या दर्शनासाठी जनसैलाब वेगळीच छाप सोडून गेला

जिल्हा प्रतिनिधी विभा बोबाटे गडचिरोली

गडचिरोली:आरमोरी मॉ दुर्गामाता नवरात्रोत्सव आरमोरी संपूर्ण विदर्भात प्रसिद्ध असून काल मातेच्या दर्शनासाठी जनसैलाब आरमोरी मध्ये उसळलेला होता. जवळपास 1.50 लाख भाविक भक्त मंडळींनी मातेचे दर्शन घेऊन आशीर्वाद घेतले कलकत्ता येथील कारागीरांनी थर्माकोल आणि लाकडी पाट्यांनी साकारलेले भव्य आखीव आणि रेखीव मंदिर बघून डोळ्यांची पारणे फिटल्यांशिवाय राहत नव्हते भाविक भक्तांनी दिलेला उत्तम सहयोग, आरमोरी करांनी तन, मन आणि धनांनी दिलेले उत्तम सहकार्य यामुळे यावर्षी चा नवरात्रोत्सव वेगळीच छाप सोडून गेला. अखंड सुरू असलेला आरमोरी नगरीतील दुर्गा चालीसा उपक्रम संजय बिडवाईकर यांच्या मार्गदर्शनाखाली लाडक्या बहिणींनी आणि बांधवांनी उत्तम प्रकारे सुरू ठेवून एकतेचे दर्शन घडविले जून्या बसस्टॅड जवळील दुर्गा उत्सवानिमित्त कार्यकर्ते, मंडळाचे पदाधिकारी आणि मोटवानी परिवारांनी अहोरात्र केलेले सहकार्य ही कौतुकास्पद आहे.