महेश ज्ञानपीठच्या विद्यार्थ्यांची बुद्धीबळ स्पर्धेत विभागीय स्तरावर निवड
प्रतिनिधि आसीफ मलनस हिंगणघाट
वर्धा:क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा अधिकारी कार्यालय व वर्धा, जिल्हा क्रीडा परिषद यांच्या वतीने दिनांक २५ सप्टेंबर २०२५ रोजी श्री कृष्णदास जाजू पिपरी मेघे वर्धा येथे जिल्हा स्तरीय बुद्धीबळ स्पर्धेचे आयोजन करण्यात आले होते.
या स्पर्धेतील अंतिम सामन्यात महेश ज्ञानपीठच्या १४ वर्ष वयोगटातील मुलांच्या गटात चि. अर्णव बहादुरे तसेच १९ वर्ष वयोगटात चि. वेदांत सोनटक्के आणि मुलींच्या गटात वयोगट १७ वर्ष वयोगटात कु. संयमी हेमके यांनी उत्कृष्ट कामगिरी करत विजय मिळवला. आणि नागपूर येथे होणाऱ्या विभागीय स्तरीय स्पर्धेकरिता आपले स्थान निश्चित केले.
यशस्वी झालेल्या सर्व खेळाडूंनी आपल्या विजयाचे श्रेय संचालक मंडळाचे अध्यक्ष गिरधरबाबू राठी, सर्व सदस्य, प्राचार्या वैशाली पोळ, उपप्राचार्य दिगंबर खटी, क्रीडा शिक्षक सचिन मुळे, पूनम नानवटकर आणि सर्व शिक्षकांना दिले त्यांच्या या यशाबद्दल सर्व स्तरातून त्यांचे अभिनंदन होत आहे.
