दहेगाव गोसावी पोलीसांची कारवाई – गावठी मोहा दारूसह एक जण गजाआड

नावेद पठाण मुख्य संपादक 

दहेगाव दिंनाक : 29 नोव्हेंबर 2025 दहेगाव गोसावी : दहेगाव गोसावी पोलीस स्टेशन हद्दीत गावठी मोहा दारूची वाहतूक करणाऱ्या एका इसमावर पोलिसांनी धडक कारवाई केली. मुखबीराकडून मिळालेल्या गोपनीय माहितीच्या आधारे आज (29 नोव्हेंबर) दहेगाव गोसावी–हमदापूर रोडवर नाकाबंदी करण्यात आली. दरम्यान प्रोव्हीजन रेड करताना संशयित फिरोज सुरज काळे (वय 23, रा. मांडवगड, ता. वर्धा, सध्या मुक्काम जेजुरी ता. समुद्रपूर जि. वर्धा) यास ताब्यात घेण्यात आले.

त्याच्या ताब्यातून बजाज प्लॅटिना मोटारसायकल (क्रमांक MH-32 AY-4082) किंमत अंदाजे ₹1,25,000

 प्लॅस्टिकच्या डब्यात 28 लिटर गावठी मोहा दारू — अंदाजे किंमत ₹5,600

 डब्याची किंमत ₹200

अशा एकूण ₹1,30,800 किंमतीचा मुद्देमाल जप्त करण्यात आला.

या प्रकरणी फिरोज काळे याच्यावर गुन्हा क्र. 324/25 अन्वये कलम 65(अ/ई) महाराष्ट्र दारूबंदी कायदा तसेच कलम 130/177 व 3(1)/181 मोटार वाहन कायदा

अन्वये गुन्हा दाखल करण्यात आला असून पुढील तपास सुरू आहे.

ही कारवाई पोलीस अधिक्षक अनुराग जैन,अप्पर पोलीस अधिक्षक सदाशिव वाघमारे, प्रभारी उपविभागीय पोलीस अधिकारी प्रमोद मकेश्वर यांच्या मार्गदर्शनात करण्यात आली.

सहायक पोलीस निरीक्षक प्रल्हाद मदन यांच्या नेतृत्वाखाली

पोलीस हवालदार आनंद भस्मे, बम्हानंद मुन,पोलीस अंमलदार अनिल चिलगर, भारत सातपुते,

तसेच महिला पोलीस अंमलदार शितल चौधरी यांनी ही यशस्वी कारवाई केली.