बि.आय.टी. अन्न तंत्रज्ञान विभागाच्या विद्यार्थ्यांची उद्योजकतेकडे भरारी
प्रतिनिधी:मोहम्मद नासीर चंद्रपूर
बल्लारपूर: बल्लारपूर इन्स्टिट्यूट ऑफ टेक्नॉलॉजी (BIT) च्या अन्न तंत्रज्ञान विभागातील विद्यार्थ्यांनी उद्योजकतेकडे यशस्वी पाऊल टाकत नव्या हर्बल अपराजिता कँडी आणि जेली या उत्पादनांचे लोकार्पण केले. ही उत्पादने DFT इनक्युबेशन सेंटर, बल्लारपूर अंतर्गत विद्यार्थी यश खनके आणि नयन घाटोळे यांनी विकसित केली आहेत.विशेष अतिथी म्हणून डॉ. झेड. जे. खान आणि प्रा. एस. एस. गोजे, प्राचार्य (पॉलिटेक्निक) यांनीही उपस्थित राहून विद्यार्थ्यांचे कौतुक केले.
अन्न तंत्रज्ञान विभागप्रमुख प्रा. डॉ. प्रशांत वाटकर, तसेच विभागातील प्राध्यापकांच्या उपस्थितीने कार्यक्रमाला उत्साहपूर्ण वातावरण लाभले. इनक्युबेशन सेंटरमार्फत मूल्यवर्धित हर्बल उत्पादनांच्या विकासासाठी केलेल्या प्रयत्नांची प्राचार्यांनी प्रशंसा केली. विद्यार्थ्यांच्या नवोन्मेषी उपक्रमांना प्रोत्साहन देत नैसर्गिक आणि आरोग्यपूरक फंक्शनल फूड निर्मितीमध्ये पुढे जाण्याचे आवाहन अधिष्ठात्यांनी केले.नवीन सादर केलेली अपराजिता हर्बल कँडी आणि जेली ही BIT अन्न तंत्रज्ञान विभागाच्या सततच्या संशोधन, नवकल्पना व उद्योजकता विकासाच्या बांधिलकीचे प्रतीक असल्याचे विशेष अतिथींनी नमूद केले.
उत्पादन विकास प्रक्रियेत मार्गदर्शन केल्याबद्दल प्रा. लिलेश पुस्तोडे यांचे विशेष आभार मानण्यात आले. तसेच प्रा. के. एम. देव, प्रा. सोनी ठाकूर, प्रा. दिव्या कोर्डे, प्रा. अजय दुर्गे आणि प्रा. सोनम राजभर यांच्या सहकार्याबद्दल कृतज्ञता व्यक्त करण्यात आली.विद्यार्थी यश खनके आणि नयन घाटोळे यांच्या प्रयत्नांतून साकार झालेले हे हर्बल उत्पादन भविष्यात उद्योजकतेसाठी नवे दालन उघडणारे ठरेल, असा विश्वास कार्यक्रमात व्यक्त करण्यात आला.लोकार्पण कार्यक्रमाचे आयोजन अन्न तंत्रज्ञान विभागाने केले. कार्यक्रमाचे उद्घाटन BIT चे प्राचार्य डॉ. राजनीकांत यांनी केले. प्रमुख अतिथी म्हणून अधिष्ठाता डॉ. सत्यनारायण उपस्थित होते.
