पंडित दीनदयाल कॅन्सर रुग्णालय,विदर्भातील कॅन्सर रुग्णांसाठी जीवनदायिनी आधार

प्रतिनिधी:मोहम्मद नासीर चंद्रपूर

चंद्रपूर : चंद्रपूर जिल्ह्यात कॅन्सर रुग्णांची वाढती संख्या लक्षात घेऊन उभारलेले पंडित दीनदयाल कॅन्सर रुग्णालय आज विदर्भातील आदिवासी, ग्रामीण आणि सर्वसामान्य नागरिकांसाठी एक महत्त्वाचे आधार ठरले आहे. या रुग्णालयाची संकल्पना प्रत्यक्षात आणण्यासाठी माजी मंत्री आणि आमदार सुधीर मुनगंटीवार यांनी सातत्याने पाठपुरावा करत महत्त्वाची भूमिका बजावली. त्यांच्या अथक प्रयत्नांमुळे रुग्णालयाची भव्य वास्तू उभी राहिली आणि अत्याधुनिक वैद्यकीय सुविधा उपलब्ध होऊ शकल्या.२८० कोटी रुपयांच्या निधीतून उभारलेले अत्याधुनिक कॅन्सर रुग्णालय २८० कोटी रुपयांच्या निधीतून उभारण्यात आलेल्या या कॅन्सर रुग्णालयाचे लोकार्पण २२ डिसेंबर २०२५ रोजी राष्ट्रीय स्वयंसेवक संघाचे अध्यक्ष मोहन भागवत यांच्या हस्ते करण्यात आले. टाटा ट्रस्टच्या सहकार्याने साकारलेला हा प्रकल्प आर्थिक अडथळे दूर करून, प्रशासकीय समस्या सोडवून, गतीने पूर्ण झाला. आरोग्य क्षेत्रातील तज्ज्ञांची मते आहेत की, सुधीर मुनगंटीवार यांच्या सातत्यपूर्ण प्रयत्नांमुळेच हा प्रकल्प कागदावर न राहता प्रत्यक्षात साकारला ग्रामीण आणि आदिवासी भागातील रुग्णांसाठी महत्त्वाची सुविधा अवघ्या एका महिन्यात या रुग्णालयात ८०० हून अधिक रुग्णांची तपासणी करण्यात आली आहे. यामध्ये ओपीडी सल्लामसलत, नवीन रुग्ण नोंदणी, फॉलो-अप भेटी आणि पुनर्तपासणी यांचा समावेश आहे. चंद्रपूर, गडचिरोली, भंडारा, वर्धा आणि इतर आसपासच्या जिल्ह्यातील रुग्णांना आता कॅन्सर उपचारांसाठी नागपूर किंवा मुंबईसारख्या मोठ्या शहरांमध्ये जाऊन उपचार घेण्याची गरज नाही. यामुळे या भागातील रुग्णांना मोठा दिलासा मिळाला आहे.अत्याधुनिक तंत्रज्ञानाने सुसज्ज रुग्णालय या रुग्णालयात कॅन्सरचे वेळेवर निदान होण्यासाठी अत्याधुनिक उपकरणांचा वापर केला जातो. सीटी स्कॅन, एमआरआय, एक्स-रे, सोनोग्राफी, मॅमोग्राफी, आणि इंटरव्हेंशनल रेडिओलॉजीसारख्या सुविधा येथे उपलब्ध आहेत. प्रयोगशाळा आणि औषध विभागाद्वारे आतापर्यंत ६०० हून अधिक तपासण्या पूर्ण केल्या आहेत, ज्यामुळे रुग्णांना जलद आणि अचूक अहवाल मिळवता येतात. ईसीजी आणि ईपी सेवांच्या मदतीने उपचारांपूर्वी आवश्यक वैद्यकीय मूल्यांकन सुलभ झाले आहे.

केमोथेरपी आणि मोफत उपचार योजना पंडित दीनदयाल कॅन्सर रुग्णालयाने डे-केअर केमोथेरपी सेवेंतर्गत ७० हून अधिक केमोथेरपी सायकल पूर्ण केल्या आहेत. महात्मा ज्योतिबा फुले जन आरोग्य योजनेंतर्गत आर्थिकदृष्ट्या दुर्बल घटकांतील रुग्णांना मोफत आणि रोखरहित उपचार दिले जात आहेत. रुग्णांना उपचारासाठी आवश्यक यंत्रसामग्री, औषधं आणि निधी पुरवण्यात सुधीर मुनगंटीवार यांचा सक्रिय सहभाग होता, ज्यामुळे हा प्रकल्प यशस्वी झाला.

रुग्णालयाची इन्फ्रास्ट्रक्चर आणि आधुनिक उपकरणे -

पंडित दीनदयाल कॅन्सर रुग्णालय सुमारे एक लाख चौरस फूट क्षेत्रफळावर पसरलेले आहे. रुग्णालयाच्या तळमजला आणि चार मजल्यांवर उभारलेल्या या अत्याधुनिक कॅन्सर उपचार केंद्रात विविध अत्याधुनिक उपकरणांची सोय केली आहे. सीटी सिम्युलेटर, मॅमोग्राफी, ३D आणि ४D अल्ट्रासाऊंड, इलास्टोग्राफीसह अल्ट्रासाऊंड, १६ स्लाइस सीटी स्कॅन, स्पेक्ट, दोन रेषीय प्रवेगक, ब्रेकीथेरपी आणि डिजिटल एक्स-रेसारख्या उपकरणांचा समावेश आहे.

सुधीर मुनगंटीवार यांचे योगदान सुधीर मुनगंटीवार यांच्या अथक प्रयत्नांमुळे पंडित दीनदयाल कॅन्सर रुग्णालय आज चंद्रपूर जिल्ह्यासाठीच नव्हे, तर संपूर्ण विदर्भासाठी एक आरोग्य केंद्र बनले आहे. त्यांच्या सातत्यपूर्ण प्रयत्नांमुळे ग्रामीण आणि आदिवासी भागातील रुग्णांना उच्च दर्जाचे कॅन्सर उपचार मिळवता येत आहेत. त्यांनी दिलेल्या योगदानामुळे विदर्भातील आरोग्य सेवांमध्ये मोठा बदल घडला आहे.